高芘 : 18th March 2012 - 東京遊 Day 5 Part 2 澀谷 - 上野

由南青山落涉谷又係坐東京メトロ一個站就到啦 ~
黎到涉谷 . 由於我已經知道我所需's 地方係邊 ( 所以唔洗急 ! ) .
而行李話想食牛奶妹 ~ 但黎到今日我真係咩都唔理 . 問心真係唔想同佢計 !!

但 ..... 我已經做左 4日保母 + 人肉地圖 + 有佢份冇我份既生活 ! 黎到今日 . 真係乜都夠啦 !
於是我叫佢自己睇書搵出口 + 地點 .
點知 . 佢一拎本書出黎 . 又發揮妲己精神 - 指住地圖問我 : 知唔知 8千 ( 忠義犬 ) 係邊 ?
老實講 . 點會唔知呀 ( 咪係樓下囉 ~ )
但我當時只係叫佢搵左出口落返路面先 ~

落到路面 . 我就問行李: 你係咪食牛奶妹咩 ? 自己睇下係邊啦 ~

根住我就乜都唔理 Only 叉電 . 等佢自己睇地圖慢慢搵 !
結果 ~ 佢係就係有自己搵 . 不過明明係對面馬路後往左手邊吉野家上面 .
( 其實過馬路前佢已經睇到吉野家個招牌 )
但唔知點解 .... 過左馬路之後 . 佢會向右邊行 !
唉 ~ 都唔知佢想點 ! 費事同佢兜圈 ! 想唔提佢都唔得啦 ~

上到牛奶妹之後 . 我當然唔參與啦 ! 因為之前參與過而且亦唔覺得好味 .
所以 . 我放底行李自己食 ~

而我就 9秒 9 落 Center 街行

雖然只得 15mins . 但都好過冇 !

等佢食完之後 . 先到 Chacott . 因為要野買 !
( 其實行李之前提過想睇 Chacott's Make Up 產品 )
不過當我一入到 Chacott . 就直落 B1 + 完全冇提過依間係咩等等
更加冇提 Make Up 係 2/F . 所以佢根本唔知依間係咩黎 ! 真係見我行佢就行 ~
於是 . 我係 B1 買完就 9 秒 9 走人 . 全程都冇提過依間係咩 .
講真 . 唔理佢係睇 or 買 . 總之就唔比機會佢 ! 費事比佢嘥我時間 ~

一出 Chacott 就直上 Parco 1

就係 Parco 對面依條馬路 . 行李又有小趣事 -
話說 :
我預備過馬路入 Parco 時 . 行李冇啦啦講 :
行李 : 咦 ~ 杜如風介紹嗰間生 Ice 雪糕店係 Parco 2 上 .....
我 : 我知 . 行埋 Parco 1 先啦 ~
行李 : 唔係 ~ 本書話由 Parco 2 上 ..... 就有嗰間生 Ice ........
我 : 係 ! 但行埋 Parco 1 先再上啦 ~
行李 : 唔係 .... 係 Parco 2 上 .........
我 : Parco 1 就係對面 . 行埋先上 !
( 之後我就唔理佢 . 自己過馬路入 Parco 1 )

***

小妹結論 :
如果佢真係肚餓 , 唔通我連食都唔比咩 !

但問題係 ..... 佢岩岩先係牛奶妹放左杯有 3 球雪糕 + Cream 既 Set 落肚 .
由牛奶妹出黎到依家 . 點計都唔夠 20mins .... 又食 ..... 佢有冇咁大食呀 ?!

********

入到 Parco 又有小趣事 :
話說上到 2 樓 . 途經 24 Issey Miyake 行李冇啦啦話要睇 ~
唉 ~ 都經過我冇得 Say No !! 點知 :
行李 : ( 拎起其中一個袋講 ) 咦 ! 乜依款袋咁小色架 ?
我 : 乜你都有睇開依個牌子架 ?
行李 : 係呀 ~
我 : 咁岩岩係南青山你又唔睇既 ? 嗰到 D 款多好多咩 ?
行李 : 係咩 ? 幾時行過 ?
我 : 咪 Garcons 對面囉 ~ 雖然唔同 Line . 但依個款 @ 嗰邊大舖多好多色 !
行李 : 吓 ~ 係呀 ? ( 佢個樣好似問我頭先經過做乜唔提佢 )
我 : 你咁得意 . 有大舖唔睇 . 黎依到睇 Counter 仔 ?
行李 : 唔陣要 . 我都係睇下啫 ! ( 黑黑地面 + 轉身走 )

***

小妹結論 :

行李又話黎東京 Shopping . 但連 Shopping's 資料搜集都唔做 !
下下靠人 . 就連自己想睇或睇開's 牌子都可以唔知邊到有 Shop .
另一問題 - 我識左佢咁多年都未聽/ 見過佢提 or 用依個牌子任何野 !
就連我黎東京咁多次 . 佢都冇叫過我幫佢格價 / 睇款或買野 !
而且 . 之前問佢影唔影花 .... 佢就話香港有 ~
再問佢影唔影表參道山條街 ( 當到此一遊 ) 佢又話只係商場 !
就連入 agnes b 買袋 . 明明溝通唔到 . 都唔搵我做翻譯 . 係要指手劃腳 . 嘥我時間 !
容我係自私講句 : 我咩事要提佢 ( 行李 ) ? 陣間又佢比佢串 . 我咪自討苦吃 ?!

********

@ Parco 幫老公買完衫 ~ 走得 !

向杜如風介紹's 生 Ice 雪糕店進發 !

好彩我出發前做過功課 . 如果唔係又比行李點 !

唉 ~

********

行李小趣事 :

話說過完馬上直上就係雪糕店 ( 根本間野就 @ 大馬路旁 ) .
但唔知點解行李會指左入內街 . 重要行左入去 !

最後係我提佢 . 見到雪糕店's 招牌@前面 !
如果唔係 . 佢又唔知兜左去邊 !? 依 D 就係了解自由行睇地圖 !! 問你死咪 ?

********

依個係佢地's 咭片 . 比大家參考下 :

黎到門口啦 ~

Oh ~ 得返 3 款產品 ....

最後我 Order 左コーソ　多謝 380yen
坦白講 : 可能係我心情唔好 . 因為我真係覺得佢好一般 ...... 一般到 ..... 連奶味都唔覺得佢有 !!

行李小趣事 . 話說 :
行李黎到東京依幾日 . 晚晚都買唔同牌子's 牛奶黎飲 ( 做消夜 )
所以 . 我當初估佢黎依到係為左杯奶先黎 . 其次先係杯生 Ice 雪糕 .
點知 :
當我食 ing 時 . 見到行李拎住同我一樣's コーソ . 於是我就除口問行李 :
我 : 咦 ~ 你又係 Order 依個呀 ?
行李 : 係呀 ~
我 : 重以為你會 Order 牛乳 ( 即下面係奶 . 上面係生 Ice )我估你會對依到 D 奶有興趣添 ~
行李 : 我想試下依到個筒
我 : 試佢個筒 ? 有咩好試 ?
行李 : 我想試下個筒脆唔脆 ~
我 : 吓 ! D 筒只係 Standard 野間間都一樣 ~
行李 : 梗係有分別啦 !!
我 : 哦 ~ 係呀 ...... ( 靜止繼續食 )

********

小妹結論
雖然口味's 野 . 真係見仁見智 . 但原來佢行 9 哩黎雪糕店只係為依到個筒 !?
真係比你估 10次都估唔到行佢有依個僻好 ! 去雪糕店唔係為雪糕 . 而係為左個筒 ?

真係怪事年年有 . 不及今日多 !
講返轉頭 . 雪糕筒香港都有 . 整咩要黎東京試啫 ?

********

@ 生 Ice 雪糕店落返黎 . 行李又有小趣事 :
由於我地原路上原路落 . 所以返轉頭時 . 比行李見到 Chacott 招牌 . 於是問 :
行李 : 你唔係要行依到咩 ?
我 : 吓 ~ 行完啦 !
行李 : ( 一面疑惑 )
當我地行回店門時 . 行李望入去 . 佢個樣話比我知 : 想入去睇 !
但我當然冇理佢 . 直行直過 . 離開 Chacott ~

當我地返到東京メトロ @ Center 街前 . 行李又講/ 做左 D 令我發脾氣's 事 -

********

小趣事 : 事原 -
我叫佢睇下依家依咩車過上野 ! 點知 ....
佢一拎本書出黎 . 又係發揮妲己精神 ! 又係指住地圖 . 又問返同樣問題 :
行李 : 知唔知8千係邊 ?
嗰刻真係咩火都黎晒 + 答佢 :
我 : 唔知 ! 黎到澀谷都行街啦 ! 點會有時間去搵 8千影相呀 !? ( 擺明知都唔講 ! )
行李 : 你真係唔知呀 ?
於是我繼續叉電 + 叫佢自己睇下咩坐咩車過上野 Join Mr.J . 點知 -

********

又有小趣事 :

我 : 坐咩車過上野 ?
行李 : ( 佢望到 JR 招牌/ 字樣 ) 答 : JR ~
我 : ( 因為我清楚知道行李根本唔識咩係 JR ) 所以特登問佢 : JR 咩線 ?
行李 : ( 由袋中拎張 Leaflet ) 研究後答 : 銀座線
我 : JR 銀座線 ??
行李 : 係 ~
我 : JR 冇銀座線 !
行李 : [ 高 8度 ] 咩呀 )) 有 ! 銀座線喎 ~
我 : 係有銀座線 . 但唔係 JR 架 !
行李 : ( 一邊第張 Leaflet 比我 ) 一邊講 : 哪 ~ 銀座線呀 !
我 : 係有銀座線 ~ 但你依張係東京メトロ's Leaflet ~ 你睇清楚個 Heading 先啦 ~
行李 : ( 黑面 ) 哦 ~ 咁坐東京メトロ啦 !
最後我想同大家講 :
其實係澀谷過上野 . 坐 JR 係最快架 ! 不過我唔想問完佢又 Band 佢 ~
所以 . 謂有聽佢講坐東京メトロ's 銀座線 .

********

小妹感想

一諗起初時佢講 : 咩都得/ 明白 / Ok/ 了解's 承諾就火都黎 !
都黎到 5th 日啦 ( 聽日返香港啦 ! ) JR 銀座線 ! 佢開架 ?

********

唉 ~ 我又上返黎依個東京メトロ站 .
唔通連個天都知我滾 ! 當我起火時 . 個天又落雨啦 ~

途經東急百貨 . 冇意中見到依 D 雞蛋佈丁 . 雖然好想食 . 但我已經冇晒心情啦 !

因為 ...... 唉 ~ 要行 9 哩先過返銀座線 !

終於黎到上野啦 !!

叉電減壓中 ......
我地約 Mr. J @上野 0101 門口前既叉電區

當 Mr. J 見到我時就問 : 你地坐咩車呀 ? 咁遲既 ?
我 : 你問行李啦 !
Mr. J : ..........

又黎到呀美橫丁啦 !

由於行李要睇波鞋 ~

而我 . 梗係唔理佢 . 自己入左二木睇野 !

是日 Dinner @ 魚河岸

唔知點解 . 行李好似連食都唔想用腦 . 因為@我記憶黎左咁多日 .
佢所簡's 餐/ Set . 唔係同我一樣 . 就係同 Mr. J 一樣 ......
一次半次就咁岩 . 但連續 5日有 8成都一樣 . 真係咁岩 ?

我 Order 左七海丼多謝 830yen

食飯途中又有趣事 ! 不過今次唔係小趣事 . 而係令我真正起火 !
事原 :

我同 Mr. J 講 : 行李話聽日可以晏 D 先過築地 . 咁聽日係咪一齊過築地 ?
Mr. J : 如果 08:30 都 Ok 既 ~
我 : 咁不如你聽日幫我帶行李路呀 ? 因為我真係唔想/ 唔需要過築地 .
你地約係築地站等 . 之後帶佢行過去 ....... ( 其實係我唔想同行李過 ! )
( 正當 Mr. J 考慮中 )
行李 : 吓 ! 你唔去 . 咁我都唔去啦 ~
我 : 你唔係要買士多啤梨比你呀媽咩 ?
行李 : 係 ~ 不過你唔去 . 我去黎都冇意思 .
我 : ( 冇野講 + 心諗 ) 咩叫我唔去佢去黎冇意思呀 ? 我又唔係你條仔 ! 唔好玩啦 ~
但依家重係條街到 . 行李 )))) 我忍你 !

********

由於 Mr. J 又係聽日返香港 . 大家都係飛成田 .
所以 . 飯後大家一齊夾聽日 @ 上野等's 時間 .

食飽飽之後 . 我地坐 JR 返新宿 -
車程中又有小趣事 . 重 2 單咁多 !

1.
行李又差 D 落錯站 . 今次又係落啦啦叫 : 喂 ! 落車啦 ~
由於經過前日's 教訓 . 臨落車時 . @ 車箱往窗外看 !
我 : 嘩 ! 依到都唔係新宿 ~ .
行李 : 唔係咩 ? ( 質疑我 ! )
我 : 新宿係 "S" 字頭 ! 依到係 " ? " 字頭 ! ( ? = 唔記得 )
行李 : 係呀 ~ 唔出聲 + 馬上同岩岩上車既人掙櫈坐 ~

********

小妹結論 :

聽日都返香港啦 ! 點解佢重可以睇錯 ! ( 係連新宿都睇錯 ! )
唔係我睇到 . 我又陪佢落錯站 ! ( 可想言知 . 我依幾日係過得幾苦 ! )
另外 . 只差 1 or 2 個站都到新宿 .
既然都起左身 . 又坐咩呀 ? 就算坐都唔好同人掙啦 ~ 我真係覺得佢好羞家囉 !
諗返轉頭 . 行李成日都話 D Mainland 黎到香港點點點 .
原來佢去到東京咪又係做返 Mainland 係香港所做's 野 ! 佢真係 " 話人他也是 " 唉 ~ 影衰晒 !

********

由於行李要買東京ばな奈 . 經過新宿 . 算係提佢又好乜都好 .
反正我都想睇下有咩新野 ~ 點知 :
我 : 咦 ~ 新宿站都有銀座版 ( 士多啤梨 ) 買 !
行李 : 我知呀 ! 尋日咪見到囉 !
我 : 吓 ~ 你知 ? 尋日幾時黎過 ?
( 心諗 : 我都係岩岩先知 . 因為舊年@新宿站冇 ! 最後我@ 品川站買 ~ )
行李 : 吓 ! 咩呀 )) 尋日咪黎過囉 !!
我 : 尋日幾時黎過見到呢 ?
行李 : 尋日呀 !
我 : 今朝先係我 1st 次帶你黎坐 JR . 計到盡依家先係2nd 黎依到 ! 你尋日同邊個黎過呢 ?
行李 : 係咩 ? ( 當冇事發生自己行開 ! )

********

小妹結論 : 行李都幾得意 . 又唔識 . 又要 Say . 但又 Say 錯 ! 重要 Challenge 我 @.@"

坦白講 : 佢買唔買根本都唔關我事 !

但問題係 . 佢唔好 Challenge 我's 記性 & 忍耐力 ~

********