14th March 2012 - 東京遊 Day 1 Part 1 上機 + 到步

是日行程 :
HKT 09:55 香港 - JPT 15:00 成田機場 - 櫻木町酒店 Check In - 夜遊 MM21

******** 
屈指一計 . 今次係我 @ 年半內 第 4 次過日本 ( 3次東京 1次大阪 )  

其實唔係我發左達 . 而係咁岩有特價機票 . 話說 : 

今年 2 月 . ANA 又推出 東京特價機票 . 2位同訂東京來回成田機票 . 只需 $1900 + Tax 

見咁底 . 終是我就四圍問朋友有冇興趣同行 . 好明顯 ~ 有啦 !!
如果唔係 . 今日我又點會係機場出現呀 ~ 但請容我馬後炮講句 : 
今次 ........  我真係所託非人 唉 ~ 唔飛好過飛 ! 

唉 ~ 有關我今次東京之旅 不愉快事件 . 我將會記在分頁的遊記內 ~

如對閣下做成不便/ 不悅 . 請體諒吧 ! 

因為我好想將我今次如何比人搵笨's 事件 記入我依本日記內 !  

但由於我今次真係玩得唔太開心 . 所以 . 依次遊記 相信亦唔會有太精彩既內容  !
請大家多多包涵  

********

去到機場 . 當然 Check in + 夠鐘上機 ~

東京 ))) 我黎啦 ~

上機冇耐 . 我就一邊食 Nuts 一邊睇 Shrek . 睇到咁上下 . 又係時候無聊影啦  ...........

好彩 ~ 飛左冇幾耐就派餐 . 今餐有 : 咖哩豬扒飯

食飽之後 . 休息左陣 .
咦 ~ 好似已經飛入日本國境 .
所以 . 我又繼續無聊影 . 而且 . 係時候換支 200m 既長鏡黎試一試 .

就係依個時候 ...... 嘩嘩嘩 ))))))))) 咩事 ???????? 火山爆發呀 ?

影完依個咁驚既場面之後 . 應該搵 D 野黎 Relax 下 !

經過 3個幾鐘 . 我又到左東京啦 !!

由機場出市區 . 今次坐 Nex .
而售票處需落一層 ( 即在到境大堂 [ 出閘處 ] 落一層 )
當然 . 我又係參與佢地's 3500yen 既 Nex + 西瓜 Set  

亦由於朋友女要求 . 今個 Trip 其中一個目的地係 橫濱既 即食麵發明館 .

為左慳時間 & 車錢 . N'ex 我選擇先到落橫濱 . 之後才返新宿 ( 即需搬一次 ! ) 

坦白講 : 如果唔係朋友女 . 我個人根本唔需要搬 ! ( 即唔需要落橫濱 )

因為 . 我岩岩先係大阪去過 即食麵發明館 .....  而且大阪的 . 是唔需要比入場費 ...... 

但  橫濱 的 需要比 500yen 入場費 ! 唉 ~ 為達至互相體諒/ 配合 . 唉 ~ 搬就搬啦 !! 

但原來 ...... 我所做的 朋友女根本完全唔識珍惜 . 

因為在往後行程入面 . 朋友女確確實實地向我展示 . 她只當我為導遊 ! 

哈 ~ 依 D 就係朋友啦 !!  

其實我一直都講 : 我唔介意帶路 ! 但十分介意帶團 )))

例如 :
一出閘 . 唔通明知邊到上車 . 都等佢慢慢搵路咩 ? 再講 :
我真係做唔出 或 根本冇可能搞自己 ( 難道要我拖埋行李陪佢搵路 ! )真係冇可能囉 !!
唉 ~ 算算算 ........ 都係講返個 Trip 先 ~
上車啦 ~ 

今班 N'ex 只停以下車站 而右邊係時間表分別係下圖依幾班  :  

 

經過約 90mins 車程 . 我地到左 橫濱啦 !

到左橫濱站後 . 我地需要轉多程車過櫻木町 !

話咁快 就由 橫濱站 黎到 櫻木町站 ~ 坐左咁耐車 . 我要叉電先 ~ 再向酒店進發 !

哈哈 ~ 今次只寄宿一晚's 酒店 - 櫻木町東橫Inn