高芘 : 17th March 2012 - 東京遊 Day 4 Part 1 雷門 + 合羽橋道具街 ( 東京零食批發 )

是日行程 :
原定 -

09:00 雷門 ( 朋友女 ) & 田原町 ( 我自己 ) - 13:00 銀座 - 16:00台場 - 待定
********

坦白講 . 我已經連續 2 年參與雷門 ~ 所以 . 當我知道朋友女想去雷門時 . 我真係有 D 懊惱 ...
直到 2 月尾時 .

我同行李講 : 雷門當日 . 我會係淺草站's 前一個站田原町落 .
而你 [ 行李 ] 就坐到尾站 ( 即淺草 ) 落 . 各自行 2 個鐘 . 之後@是彈一邊地鐵站等 ! ( 到時再約 )
襯未出發 . 你睇睇研究下 ~ 如果有問題的話到時再問我 .
~ 電話對話完結 ~

但打後依半個月 . 行李 1D 關終雷門's 野都冇問過我 ! ( 基本上係連電話都冇打過比我 )
直至前發前一晚老公提我 :
你地 ( 我 & 行李 ) 有日分開行 . 如果 Miss 左 . 安排好未 ? 又係喎 .... 真係冇左件事 !
於是 . 就即刻打比行李問 :

xx 日我地會分開行 . 如果到時 Miss 左點安排 ?
行李 : 分開行 ?
我 : 唔係講左雷門嗰日分開行 ?
行李 : 我睇過發現自己 Handle 唔到 !
我 : 哦 ~ 咁 ...... 一齊行啦 ~ [ 收線 ]

********

小妹心聲 :
坦白講 : 我真係十萬個唔願意 ! 冇野呀 ? 有問題又唔早出聲 !? 我唔問佢都唔講 !

有做下功課就知一出閘轉彎就係 . 咁都唔得 ? Handle 唔到 ? 唔通係我要求高左 ? 唉 .........

如果 Handle 唔到 . 但點解一早唔問 !

依次唔係我 Call 佢問 Miss 左安排 , 佢都唔主動同我講 ....... 當我係咩呀 ?
********

當時我就係比左下面依個地圖朋友女自己研究

之所以我提意分開行's 原因 :
1. 把握時間 . 分頭行事 . 等大家都可以去多個地方
2. 個個自由行都有第1次 . 其他人都一樣去到 ~
3. 日光日白's 日本 . 人生安全肯定唔會有問題 !
4. 我已經連續 2 年去過雷門 . 再黎今次就係第 3 次啦 ! ( 係年半內 3 次 )

********

所以 ~ 當我一知道行李話 Handle 唔到時 . 梗係 1st 時間同老公講
老公話 :
1. 咁佢 ( 行李 ) 可能預算你識路會帶佢去 ! 或者佢冇預計過要分開行 ~
2. 你都 Cut 左佢好多地方 . 求奇同佢去下佢想去既地方 ~
而我當時回答老公 :
唔係我 Cut 佢景點 . 只係有好多地方 . 我已經去過 + 個別景點要比入場費 .
再講 ~ 依家為左佢想去's 即食麵發明館 .

我要陪佢搬一次酒店 + 自費陪佢入場 !
如果佢有個別地方想去 . 可以分開行 ~ 咪唔洗邊個就邊個 ~
基於大家係自費飛票 & 酒店 . 所以行程夾到就一齊 . 唔夾就分開 !
起碼互慳對方's 時間 & 車錢 ! 對大家都公平 ~
講到尾依家係自由行 . 係指 - 自由地行走我想去's 地方 ~
老公又答 :

依家未出發 . 對一個未去過's 人黎講 . 可能對當地未有信心 .
到左當地後等佢了解左實際情況後 . @ 出發雷門前一晚 . 再教佢點行
再唔係咪同佢快行囉 ~ 雷門咁細 . 1 個鐘咩都行完啦 ~

********

如事者到左今日 - 雷門 .
但以我對行李依幾日's 觀察 . 真係連教佢's 氣都唔想嘥 ~
最後 ~ 我謂有帶住 100萬個唔願意's 情況下 . 改行程 ( Cut 銀座 ) 黎陪佢去雷門 !

********

由於今日約左 Mr. J 16:00 @ 台場 .
最後行程 :
10:00 早遊新宿 - 12:00 雷門 - 13:00 田原町 - 16:00 台場 - 待定
睇落都好夠時間 ! 不過帶住依件行李 ...........

********

黎到 4th 日 . 我已經比行李折騰到霧煙ing + 冇晒心機 ! ( 我好想返香港 ~ )
( 當然 ~ 可能係佢係到忍梗我都未定 ! )
但不論邊個忍邊個 ~ 有樣野我可以好肯定咁講 : 我已經再冇心神理佢 !

********

是日早餐 - 泡夫
坦白講 . 我都唔想一早食甜野 ! 但要知道 . 如果我再唔食 D 甜野 . 一定頂佢唔順 !
* 只係我未有膽量以朱古力做早餐 . 如果唔係 . 我肯定食到唔停得口 !
因為我真係就黎痴線啦 )))))))

食飽飽 . 妝埋身 09:xx 出發 ~
Oh ~ 落雨 . 真係襯晒我依家既心情呀 !

由新宿過淺草坐東京メトロ銀座線 . 所以會途經伊勢丹 & 0101 ~
其實 . 我原先都唔諗住咁早入百貨公司 .
但當我知道行李情願嘥時間都唔幫手搵路's 之後 . 我就決定入去行下
反正依個 Trip 對我再沒意義 ! 去到伊勢丹 . 第一站 6/F Hello Kitty

之後 . 再慢慢到其他樓層行 . 由於我已經對依個 Trip 別冇他求 ( 係唔敢要求 ) .
心諗行李鍾意嘥時間 . 好 ! 等我幫下佢手啦 ~
********

* 點解我會話行李鍾意嘥時間 ?
@ 我角度 . 黎到日本依類型百貨公司 ( 佢地's 面積真係太大 )
所以一般我都會出發前 . 上網搵定佢's Floor Plan . 之後點對點咁行 !
除非時間真係多到不得了 ! 如果唔係 . 邊可能續層續層慢慢行呀 ? 真係同自己對腳過唔去咩 ?
但行李就唔同啦 ~ 好似尋日係東武 .
佢真係百無了賴 . 見路就行 . 行開就睇 . 睇岩就停 . 之後就慢慢"簡" & 慢慢問 ~
當我知道行李's 喜歡依個舉動 . 重唔係表示佢鍾意嘥時間 ?
( 唔知重以為佢身在香港或已經長居東京 !? )
再講 . 佢依個 "見路就行" 's 習慣 . 對我黎講 . 真係10對腳都唔夠佢行 . 而且嘥晒 D 時間囉 !

********
有見及始 ~ 本來我係百貨公司買野 .

如果唔係買到好多錢 ( 3萬円 or Up ) 都唔會搞退稅 . 因為要把握時間 + 費事上上落落 .

雖然退稅一般都唔洗排隊 . 但最少都搞幾個字 ( 半個鐘 ) .
搞得黎我都過左對面 0101 啦 ~
但依次夾住依 D 鍾意浪費's 人 . 點解我唔對自己好 D . 有咩稅都退 + 有咩都搞 !
累鬥累囉 ~ 咩事呀 ? 反正我都黎過咁多次 . 小依次都冇所謂 !

最後 ~ 12:xx 黎到雷門
Oh ~ 原來聽日係淺草祭 ! 早知係咁我就唔黎或行完田原町先黎 ~
因為 . 我知道出事啦 ~ 行李肯定有排玩 !

由於有祭 ; 所以成街都掛左燈籠 ~

本來平時見到依 D 小食檔我都會好開心架 ! 因為食到平日冇乜機會食到's 小食 ~
但依家帶住依件行李 ....... 唉 ~ 都係唔好講啦 .......

又見到我's 至愛之一串燒 . 見今朝早餐冇乜食野 . 左邊的海螺係我既 ~
多謝 500yen ( Myself Only )
* 其實行李簡左串野之後 . 就自己行開左去影相 !
但問題係 ~ 當時落梗雨 . 搞到我一邊 "擔姐" . 除左要顧住自己串野 + 影相寫 Blog 之外 ~
重要顧埋佢串野 ! 最好笑既係 ~ 佢好似知道有得食先行返埋黎囉 !!

食完串燒之後 . 黎到小舟町 .

行李冇啦啦又話要參與裝香 + 拜神 + 求簽等 .
* 我真係唔知佢原來有拜開日本神's 習慣 ?

而我襯機叉電減壓 + 參與炸雞 ~

小杯炸雞多謝 300yen

********

小趣事
都話行李鍾意嘥時間
話說 : 我 Order 炸雞時 . 已經即場問佢參與 Or Not ?
而行李話 : 已流左幾日鼻血 . 怕熱氣表明唔參與 ~
但當我食完預備行人時 !
行李冇啦啦又話 : 見我食得咁開心 ..... 流就流 ~ 死就死 ! 都係參與
[ 唉 ~ 要知道入鄉隨俗. 日本人習慣買左即企即食 ] 唔會好似香港人咁拎住週圍行 ~
你地話係咪得意呀 ? 叫佢食佢又唔食 . 到人地想行佢先黎食 !
唔通連食都唔比佢食咩 ? 所以 . 我又冇啦啦要等佢食埋先行得 ~

********

終於行完雷門啦 ~
由於今日係星期 6 . 所以 @ 雷門隔離開左條傳統街

我終於可以向田原町進發 ! 但依家已經差唔多 15:00 ~ 真係人都癲 !!
估唔到依個雷門 + 行李 . 夾埋玩左我 2個幾鐘 ! 唉 ~ 算啦 !
比個路線地圖大家參考下

大約 15mins . 就由雷門行到黎合羽橋入口

********

*小趣事
當我地行到淺草 TX 站前時 .

行李冇啦啦問 : 係咪食 Mr.J 介紹嗰間拉麵店 ?
而我's 反應 : 吓 ~ 重食 ? 你由淺草站食到過雷門 . 重未飽呀 ? 趕時間唔食啦 !!
依 D 人係咪得意 + 自私呀 ?
只係理自己 . 見未到約 Mr. J 's 時間 . 就唔理我想去邊 ~
如果佢當時肯同我分開行 . 咪大家都有得試新野 ( 拉麵 ) 囉 ~
自己 ( 行李 ) 又唔付出 ( 唔做事前準備 ) , 黎到就想有收穫

( 一咪死跟 + 要求 + 單對單免費導遊 ) !
********

都係唔好再講佢 . 我終於黎到合羽橋道具街