18th Nov 2012 - 釜山.爾首7日遊 D2 Part 2 - 梵魚寺 + 海運台

上文提到 . 離開 龍頭山公園 之後 . 我地要趕住過 梵魚寺 -
由 南浦洞站 ( 111 )  直接坐 1號線 到 梵魚寺站 ( 133 ) 再轉 90號 巴士  

********

可能過左返工時間 . 所以想點坐都冇問題

哈哈 ~ 我地黎到 梵魚寺 站 

出閘後點行 ? 比個地圖大家參考下啦 ~
由 梵魚寺站  5 或 7 號出口 . 之後照下圖指 . 大約行 10 - 15mins 就會去到巴士站 . 

我地簡左 5號 出口 

出閘後 黎個小 U Turn 後 行幾步 . 會見到依個路口 . 

由依條小路直上 . 就會去 90號個巴士站 .

到左 90號巴士站 ~ 
另外 由於 90號 係 循環線 . 所以等 D 人落晒車 , 就可以上車 ~ 

雖然佢係 循環線 . 不過依個站好多人落車 .
再唔係 上車時 同C 機叔叔 講 ( 指 ) : 梵魚寺 ( 범어사 ) . 相信問題應該不大 !!  

車程大約 20 mins . 我地到左 梵魚寺 啦 ~

咦 ~ 有野買 ?

其實 . 買嗰陣我地真係唔知依支野係乜 ?! 

不過老公話一場黎到 . 咩都試下喎 .....  於是 我地就參與左 1支...... 

試味感 : 又幾好味喎 !! 好清甜呀 ~
原來佢係韓式薏米水 . 正 !! 

( 最後 我地 參與左4支 )
韓式 薏米水 多謝 1000won/ 支 

呀豬媽 除左買 薏米水 外 . 重有 韓式糕點 ~
不過 . 我地就冇參與啦 !!  

上去啦 ~ 

嘩 ~ 紅葉呀
估唔到 11月中's 釜山 .  重會有紅葉

其實現場紅葉數量唔係咁多 ( 只有幾棵 ) . 

以下's 相只係我用唔同角度影 ~
好 ! 去相 ~

沿路除左有紅葉外 . 重發現原來 Keroro 都有佢 -  贔屭 ( 音 : 閉藝 )

努力 ~ 上呀 )))) 

終於黎到大家好熟識既 梵魚寺牌坊 

由牌坊直入 . 會黎到 天王門 ~
我地經天王門's 右邊小路繼續上

哈哈 ~ 好一幅 紅 黃 綠 呀 !

行完一條又一條 攞命斜之後  .... 我地終於上到黎啦 ~

係到行左個圈 . 係時候落山啦 ~

呀 ~ 我係旅遊書到見過佢架 !

差唔多 13:xx  . 我地要走啦 ~

下一站 海運台 

********

梵魚寺門口坐 90號巴士 落回 梵魚寺站 ( 133 )
想由 梵魚寺 到 海運台 有 2 個方法 -
1. 梵魚寺站 ( 133 ) 坐 1 號線 到 西面 ( 119 ) 轉 2 號線到 海運台 ( 203 )
2. 梵魚寺站 ( 133 ) 坐 1 號線 到 蓮山洞 ( 123 . 305 ) 轉 3 號線 到 水營 ( 208 . 301 ) 

    轉 2 號線到 海運台 ( 203 )
想 C 服 D  轉小次車 可簡 1 . 
而方法 2 - 雖然要轉 2 次車 . 但我地唔想坐回頭車 ( 浪費時間 ) . 所以我地簡左 2   

********

@ 水營 等車中

黎到海運台 ( 203 )  

去 海運台市場 及 海水浴場 由 3號出口 出 ~ 

向 海運台市場 & 海水浴場 進發 ~

好有特色 既 渠蓋 

嘟 ~ 現在報時訊息 14:xx .
肚餓 ! 入海運台市場 搵食

依個海運台市場 . 前半 Part 係街市 . 

而後半 Part  至係食市 . 想坐底食 或 掃街式 都有 ~

我地最後決定 ..... 掃街 !

依款係 9 菜煎餅 - 辣辣地 . 幾野味

而依個 普通雞蛋煎餅 - 

味道一般 . 不過唔食辣既朋友 . 可以試依個 ~
煎餅多謝 1000won/ 塊 

再行入 D . 見到韓式炸物 . 當然要參與下啦 ~

炸物  由 500won/ 件 起計 .
由 天婦羅蝦 到 多春魚 又或 尖椒 及 番薯 ; 南瓜 都有 !
你想自己夾又得 . 叫呀豬媽 幫你夾 都得 . 

但由於言語不通 . 最後我地梗係自己黎啦 ~

其中有個好搞笑既發現 ~ 

原來韓國 興 炸蛋 ! 真係一整隻 雞蛋 上粉炸 @.@ !?

就係下圖左下角嗰 D

我地約 Order 約 8件 多謝 5000won/ 3

沿路行返出大路後 . 向 海水浴場 進發 !! 

哈哈 ~ 黎到 海水浴場啦

真係估唔到 . 天寒地凍's 沙灘 都咁熱鬧 !!  

本來都想入去依個水族館 參觀架 !

不過實在太多人 . 又係連買飛都要排 ! 唔好講入場啦 ~
而且聽講依到好細 . 所以 我地決定唔入啦 !

由沙灘出返黎 . 差唔多 16:xx . 媽咪話想食 雞泡魚 ( 河豚 ) 

搵囉 ! 咩事呀 ~

拎住本書 . 左問右問 ( 當然係言語不通 + 身體言語 咩都出齊 ) 

大約搵左 30mins 左右 . 我地終於黎到啦 ~ 

 

好彩依到到有個識識講國語既職員係到 . 
所以 . 基本落單唔成問題 ~

睇下今餐食乜先 -

前菜 

今餐食河豚宴 . 

當然唔小得河豚刺身啦 ~ 上面重有金泊 .
試味感 : 唔知點解 . 我覺得 日本嗰 D 好味D . 起碼比佢有口感 

炸河豚 

試味感 : 味道一般 . 唔講都唔知佢係 雞泡魚

河豚湯鍋 

試味感 : Ok 鮮甜 ~ 不過唔又係唔會知佢係河豚囉 ! 

依餐河豚宴 多謝 100,000won

********
補個地圖比大家參考下 :

如需放大. 請輕按此地圖
咦 ~ 原來海運台東橫Inn 就係前一條街 ~

********
食飽之後 . 係時候返 南浦洞 到 札嗄其 市場