18th Nov 2012 - 釜山.爾首7日遊 D2 Part 1 - 釜山1日乘車卷 + 龍頭山公園

其實 . 龍頭山公園本應安排尋日去 ( 太宗台後 )
但由於尋日 ( 星期 6 ) 太宗台實在太多人 !!
由 買飛 到上 小火車 , 樣樣都排到呀媽都唔認得 ( 浪費左好多時間 )
見今日反正都用釜山 1日乘車劵 . 所以 抱住用得唔好嘥's 精神 ~
再加上 車程順 ( 大家都係 1 號線 ) . 所以 " 龍頭山公園 " 將加插在今日行程內 

********

是日行程 :
原本 : 梵魚寺 - 海運台 - 札嗄其市場
改為 : 龍頭山公園 - 梵魚寺 - 海運台 - 札嗄其市場 ( 名副其實 - 上上天下下海 之旅 )  

********

起身梳洗後 , 落左酒店 2樓食早餐  

通常 1st 朝 . 都可以齊腳食早餐架 ~  
( 講真 ~ 依到款式真係唔多 ! 但一定可以食得飽 )

食過早餐之後 . 齊齊返房妝身 ~
每當我妝身時 . 老公都好鍾意影下街 . 但今次 ........ 冇街景比佢影 !!

我想講 . 原來 5樓's 貴房 ( 雙人B ) 望出去 , 係冇任何街景架 !
反而係我地對面嗰 D 平房 ( 雙人A  ) . 

間間都有街景望 , 雖然只係對坐樓下酒店門口's 馬路 
但感覺真係比我地開洋 !
媽咪重講笑咁話 : 貴房要靜架 ! 望馬路肯定嘈 D 啦 ~ 
唉 ~ 我真係唔知比咩反應佢好 !!

妝好身  出發 ~
今日天氣幾好 

西面 ( 119 ) 到 南浦洞 (111 ) : 1 號線 直達
買飛先 ~
依部機 1 次可購買多張 ( 1 張起 3 張止 )

釜山一日乘車劵 多謝 4000won/ 位

********
題外話 . 提提你 :
如果去到地鐵站買飛時 . 發覺自己唔夠散紙既話 ....
請大家認住下圖依部機啦 ~ 因為佢係專 For 唱散紙用架 !!

而依部 就專為增值用既 ~

********

話咁快就黎到 南浦洞 ~

其實 . 上龍頭山公園 . 可以由 3 ; 5 及 7 既地鐵出口都 Ok . ( 如下圖 )
********
題外話 . 提提你 -
之前同大家提過 . 我地將會帶港幣黎南浦洞換 .
找換店地點 : 7 號出口出 ( 綠色箭咀 ) . 出閘後大約行 幾分鐘 ( 10分鐘樓下 ) 

其實只係一條大直路 !
龍頭山公園 : 7 號出口出 ( 紫色箭咀 )
南浦洞郵局 : 5 或 7 號出口出 ( 紅圈位置 )

********
咁岩我地落車位置近 7 號 . 所以就由依個出口出 ~
順便可以叉叉電

照上面地圖顯示 .
由 7 號出口出 . 轉個灣 行幾分鐘 . 就黎到 龍頭山公園電梯 ( 入口 )

上去啦 ~ 

唉 ~ 坐完幾轉電梯..... 終於見到依條樓梯..

好 ~ 去相 ! 

點解 人地個天可以咁藍 而且 一"舊"雲都冇既呢 ?

換鏡 !! Zoom ~

好明顯我地只為到此一遊 . 行個圈就要走啦 ~
因為我地趕住去下一站 : 梵魚寺