高芘 : 20th Nov 2012 - 釜山.爾首7日遊 D4 Part 2 - 鷺梁津海鮮市場 + Lotte Mart

上文提到 . 由於老公肚仔唔 C 服 . 佢自己返酒店休息 .

而我 + 媽咪 & 細佬向其他目的地進發 .

********

由三成洞 ( 219 ) 到鷺梁津 ( 136 ) -
三成洞 ( 219 ) 坐 2號線到舍堂 ( 226 ) 轉 4號線到首爾站( 426 ) 轉 1號線到鷺梁津 ( 136 )

********

黎到今日 2nd 站 - 鷺梁津

1號出口出後 . 就會見到依條天橋

天橋上有晒指示牌 . 所以唔洗怕會蕩失路 !

雖然只係韓交 . 但睇圖都睇得出 .

依到果然係 On the Way 裝修喎 ~

由鷺梁津市場1/F 影落去 .
依到睇落真係好似有多海鮮喎 ~

但行圈後 . 我已經覺得冇乜新意囉 !

來來去去都係依幾款 !

咦 ~ 電視台黎採訪呀 ?!

行完圈之後 . 係時候搵食啦 !
點知 ..... 千簡萬簡 . 結果簡左佢 -
唉 ~ 咁就出事啦 !!

Zoom ~ 大家一定要記住依間綠色招牌 #147呀 !!
每檔都有號碼架 ! 而 #147 就係招牌上 816-3133 後面 ~
佢個位置 @ ( 背向 ) 中間樓梯左手面頭 5 檔其中一檔 !
記住要小心呀 ))))))))

事件經過 -
上圖前排圍住紅色頸巾白色圍裙's女士 . 由於見佢識講國語 ( 完全溝通到 ) .
所有 . 就決定幫襯佢 !
原先 , 一切都 Ok 順利 . 海鮮價錢講好/ 簡好及了解左加工費之後 .
就跟左佢上黎佢介紹既食店 !
下圖依間 . 佢個中文名係 : 皇帝飯店 !

講到依到 . 同大家報個價先 :
我地 Total 買左 5款海鮮 . 包括 :
1. 帶子 10,000won/3隻 + 送 1 隻細 . 佢簡左 2 死 2 半生比我地 !
( 已叫佢換左次架啦 ! 但終於睇唔切 ! 上到飯店先知 )
2. 魷魚 4,000won/ 2隻 - Ok 生猛
3. 大蜆 10,000won/ 4隻 ( 3大 1細 ) . 佢想簡 D 半生即死's 比我地 !
( 佢一隻手就拎拎拎根本就睇唔切 ! 都係上到飯店睇返先知 )
4. 鮑魚 10,000won/ 4隻 ( 2大 1中 1細 ) - Ok 生猛
5. 皇帝蟹 28,000won/ 隻 ( 約 2斤幾 ) - Ok 生猛 . 但由於只有我食 . 所以要簡隻細 !
Order 以上海鮮之後 . 佢重加送海腸 1 條比我地 - 應該 Ok 生既 ~
最後我地 3 個人食 6 款海鮮 .
Only 海鮮 Total 62,000won
* 真係好似我平日買完餸既情況 ( 當時已經有 D 唔多衛生既感覺 ! )

********
先交代代號 : 紅色頸巾女士 ( 紅 ) . 皇帝飯店店員 ( 皇 )
@ 買海鮮時 . 從 ( 紅 ) 口中了解加工費大約由 3000 - 5000won 不等 .
而刺身 , 就唔洗比加工費 !!
由於我同細佬都食刺身's 人 . 所以要煮既都係為左媽咪 !
但到入到 ( 皇 ) 之後 . 呀豬媽埋枱問我地 D 海鮮點整 .
好明顯 . 我同佢地講 . 依樣刺身 , 嗰樣亦刺身 .
當時 ( 皇 ) 係咁 Sale 其他食法 . 包括 : BBQ & 清蒸
為左媽咪一齊食 . 於是 . 個別海鮮 . 都接受左 ( 皇 )'s 意見
********
問題就出在以下幾點 -
Q1> 3000won/@ 入場費 . 我地 3 個人 Total 9000won .
但原來只有依碟仔泡菜 + 1 樽水 .
當時心諗 -

依到同札嘎其比 . 依到確真小得有過份 . 但算 !

黎依到只 For 食海鮮 . 配菜多小唔重要 !

等左一陣 . 刺身上枱 !

海腸刺身 - ( Free 加工費 )
Q2 > 買相 ..... 跟札嘎其比 . 真係差左小小 !

魷魚刺身 - ( Free 加工費 )
係比釜山食既新鮮 . 但我覺得 ( 皇 ) 該冇乜點洗 !

鮑魚刺身 ( Free 加工費 )
Q3> 由賣相到口感都好有問題 .
@ 賣相 - 我地清清楚楚見到鮑魚邊重好烏 Jo ( 黑色野 & 小青苔 ) 重貼左係邊位 !
@ 口感 - 鮑魚身既黏液一口都係 !
所以 . 有理由相信 . ( 皇 ) 根本冇乜洗過 !!

清蒸大蜆
Q4 > 雖然佢地話清蒸 . 但我覺得似白水煮多 D !

因為個殼內面有水 . 有冇咁多倒汗水呀 ?
就算清蒸 ! 依 4隻野 . 咩配料冇 . 都要 5000won/ 加工費 ?!
* 我覺得 . 冇難道可言既加工囉 ?!

帶子分2 味 - 1 係刺身 ( Free 加工費 )
Q5> 帶子入口時 . 又係有種冇乜洗過既感覺 . 因為帶子身上有小黏液 !
而且 D 肉好實 . 感覺同平日食開既好唔同 !

2 係 BBQ - 收5000won 加工費 .

清蒸皇帝蟹 - 都係嗰句 : 似白水煮多 D .
Q6> 依個問題最大 !
1. 28,000won/ 隻水蟹 ! ( 一邊剪 D 水就一邊流 ! )
2. 睇佢個樣 . 應該冇清洗 . 而蟹腳冇開都算 . 連蟹鉗都冇幫我開個 . 想我點食 ?
3. 清蒸 . 又係咩配料都唔覺有 ! 根本冇難度可言 . 但加工費要 10,000won !?
我個人黎講 : 嚴重唔合理
4. 冇乜糕 ! ( 糕水就有 ! )
5. D 肉 "林" 既 ! 一D都唔爽
整體黎講 . 38,000won 食依隻蟹 , 真係完全唔掂 !
而且 @ 入店前問 ( 紅 ) 都冇講過要收咁貴's 加工費 !
真係到我地坐底左 . ( 皇 ) 問埋點後 . 拎走晒我地 D 海鮮 . 都冇交代隻蟹既加工費 !
到我得到唔耐煩 ( 因為佢地未報價 ! ) . 係咁問 ( 皇 ) , 佢地先講 ( 答 ) - 10,000won 加工費 ~
名副其實 - 打死 9 講價 !!

最後隻蟹要 29,000won

連埋岩岩既海鮮 - Total 91,000won

********

總結 :
1. 依面雖然款多 . 但煮食手法非常唔乾淨
2. 加工費價目唔清晰
3. 我真係好想知道 . 到底 3000won's 加工費係加工咩海鮮 ?
4. 3000won 入場 . 得樽水 + 1碟難食到嘔's泡菜 + 白飯都冇一碗 !

( 亦冇問我地要唔要 )
5. 要禮貌冇禮貌 ! 要問野就扮睇唔到 !
6. @我地離開 ( 皇 ) 後 . 需途經 ( 紅 ) 檔離開依到 . 當時 . ( 紅 ) 一望到我 .

確實對我笑左笑 . 而我只回 ( 紅 ) 一個冷笑 . 之後再望 ( 紅 ) . 佢連直望我都唔敢 !

    ( 難道身有屎 ? ) 所以 . 我有理由相信 ( 紅 ) 嗰刻 , 應該知道發生咩事 !
7. 就係食完佢依隻蟹 . 第 2 日就到我病 ! ( 詳情請睇我日後's Blog 吧 )
    但有樣野我需要情清 . 過往不論@任何地方 ( 香港 . 武漢 . 上海 . 什至日本等外地 )
    只要熟我's 朋友都知 . 我其實係一個蟹皇 ! 絕對唔會因為食多而搞到唔 C 服 !
    所以 ... 我覺得 . 1 係 ( 紅 ) 's 蟹有問題 1係 ( 皇 ) 真係冇洗乾淨而搞病我 !
8. 食完依 91,000 之後 . 媽咪同細佬根本就唔飽 !
    坦白講 . 我情原 ( 皇 ) 好似札嘎其咁 . 收夠 100,000won . 起碼我地食得飽 !
    依家都 91,000won 啦 ! 差都唔差嗰 9000won 啦 ?!

而且 . 人地 ( 札嘎其 ) 要禮貌 & 衛生 ! 我實比囉 ~
9. 5000 及 10,000won 's 加工費只係得白水煮 ! 如果我要佢 "薑蔥炒" 或 " 豉椒炒"
咁加工費咪分分鐘貴過我買蟹 !?
10. 如果你同我講 . 以上幾款刺身 . 係依頭拎 ( 冇洗過 ) 就切上碟 . 我信架 !
********

雖然我都知 . 人在外地唔多唔小都要比人搵下笨 !
但依次比人搵到咁 . 我真係接受唔到囉 ~

如果你同我講 . 依 D 就係依到 ( 韓國 ) 特色 . 咁我可以同你講 : 我一萬個唔欣賞 !
又或者係我個人問題都未定 . 但總言之 . 以上都係我地 3 個係鷺梁津's 親身經歷 !
信唔信或是否提防 . 就 Up to 大家啦 ~

********

提提你 :
1. 係依到買海鮮記得講價 + R Free Gift 呀 !
[ 雖然 ( 紅 ) 話韓國人唔興還價 . 但最後確實平左 ]
2. 簡貝殼類 , 記得簡 D 合口架 ! 因為開口即代表隻野已經瞓死左啦 !
[ 當 ( 紅 ) 幫我地簡海鮮時 . 佢有個別幫我地簡左開口 . 只係我及時發現先換到小小 ! ]
3. 建議先 @ 1/F 問清楚加工費 . 簡岩 ( 格好價 ) 先叫食店帶你或問佢邊間好 .

至到地下簡海鮮
4. 帶定腸胃藥 , 雖然唔係間間都似 ( 皇 ) 咁烏 Jo . 但需要預防萬一 .

********

由於媽咪同細佬 . 根本食唔飽 , 所以佢地一出到黎 ..... 就求奇搵左 D 野咬 ~