22nd May 2011 - 東京之旅 Day 4 Part 3 - 由 新宿 搬 上野 Chisun Hotel Ueno 酒店

返到新宿太子 ~ 
由於要搬 . 所以 我同細佬先上 Can Do 買野飲 . 之後 接埋呀貓 . 一齊搞掂 !
@ 新宿 到 上野 Chisun Hotel . 有 2 個方法 -
1) JR @ 上野站 ( 淺草口 ) 出 . 行  6 分鐘 .  
2) 東京メトロ 銀座線 @ 稲荷町駅 . 行 2 分鐘 .  

由於依家 天已經黑啦 !
而且我又帶住 4 件行李 ( 2件呀貓 . 1 個呀媽 再 + 1個細佬 ) 再講 依家又落雨 . 
所以 我 簡左 搭 東京メトロ 係 稻荷町站 出 .  因為近 D ~

其實 ANA Package 本身跟 上野 Chisun Hotel Ueno 酒店 . 
而先前新宿太子酒店 係我地自己另外訂 . 只係將佢地入住既次序掉左 ! 
都係講返間酒店 ~ 一睇個環境就知道 ....... 如果你地只係得 2 個女仔既話 .
我就唔建議你地入住依家酒店 . 因為 ..... 依到條街都幾黑 !
唔怕黑都好 . 如果怕黑 真係唔知你點返酒店 ~ 
* 酒店前's 內街係黑成咁 

終於黎到酒店門口 ~ 真係黑到連 酒店門口個名 都睇唔到架 ! 

正確 D 黎講 , 佢地根本冇開燈 ~

酒店 Lobby 拎埋鎖匙 可以上房 ~

  

一入到去 . 都係一般酒店既感覺 冇乜特別 . 
只係發現佢地用 雙人房 + 張單人床 就 變成 3 人房 . 有 D 搵笨感覺 !!

而房入面 eg : 電視 . 風筒 等等 電器都齊全 .

床頭櫃 - 但依到有 D 奇怪 .  

因為個房既 冷氣 不論係 開關 or 大細 . 只有 3 個制 ( 高 . 中 & 底 )所以 . 
依到冇得 "教" 溫度度數 ! 

由於依間係 變身出黎既 3 人房 . 所以 地方真係 唔多見洗 ! 
於是 ~ 細佬就諗到唯一 一個辦法 . 就係 折左依到既 衣櫃門 .

如果唔係 連個喼都冇位擺 ! 

就算擺到都開唔到 ~ 根本墊唔到野 !!再唔係 , 連房門都開唔到 !

@酒店房 . 點都唔可以有野阻住度街門架 ! 真係有起事上黎 . 唔洗走咩 ? 
( 雖然我個人唔建議大家咁做 . 不過依個真係冇辦法之中既辦法 )

放左個喼入去之後 . 真係岩岩好架 !

面積都幾細 ~ 

其實重有多張櫈架 ~ 但如果唔拎走張櫈 . 到我開唔到個喼 !

除左要折左衣櫃 . 我地重要將廳入面其中一 張櫈擺埋入 Toilet . 
但都好彩 . 就算擺左 張櫈入 Toilet 後 , 仍然閂到門 ...... 所以 . 個 Toilet 都算 Ok 大 

終於搞好個架步 ~ 而依個時候 . 細佬同媽咪都覺得肚餓 ..... 又係時候出動搵食啦 ! 

但由於落梗雨 & 媽咪唔願行返出上野 呀美橫丁 . 於是 就係依頭求奇搵野食就 .  

不過 @依到 . 只有 2 - 3 間 餐廳 :  一間係 麥當當 

而另一間係 牛丼

係冇得簡既情況下 ........ 細佬 & 媽咪 買到野食 ~ 唉 ~ 我地可以返酒店啦 !

而我 .... 就拎返@ Lawson 100 蛋撻 .   

算係 求奇食 D 啦 ~ 不過依個又 Ok 好味 . 如果大家有機會都可以買黎試下

********

是日戰利品 

可樂杯 @ 麥當當我知道香港都有 依隻可樂杯換 . 但我想知道 日本 同 香港 有咩唔同 於是 . 就叫細佬將個餐加大 換左一隻返黎比我睇下 ! 
毛巾 @ 三鷹
Hello Kitty @ 深大寺

******** 

今日奇預 : 

@我地由新宿搬上野時 . 途中都需要上上落落 地鐵樓梯 好幾次 . 就係新宿 落地鐵 時 . 
有位 幾靚仔's 男士 . 走黎問我要唔要幫手 ~
另外 . @我轉車月台時 . 又有另一位 男士 . 又係走黎問我要唔要幫手 ?
連 媽咪 都問 : 點解 冇人問佢 要唔要幫手 ?
唉 ~ 咁就梗係啦 ! 佢身邊有個 6呎 高既細佬係到 ! 而我就得自己一個 ~ 
重要搬 2 件大行李 ~
雖然 . 最後我都冇接受到依 2 位男士既幫忙 . 但我真係覺得佢地好有心 ! 見你可能有問題 ( 搞唔掂 ) . 都會 自告奮勇咁 走黎問你要唔要幫手 ....  坦白講 , 真係唔多覺 香港 會有 D 咁熱心幫人既 男士出現 ~ 就算有 . 我相信佢地 ( 香港嗰 D 男士 ) 有 8成都係先睇樣 後幫手囉 !