23rd May 2011 - 東京之旅 Day 5 Part 3 - 秋葉原 + 呀美橫町 + 戰利品

話咁快又由 雷門 黎到 秋葉原 ~

一出 JR . 又係大家都好熟識既 SEGA 

依位姐姐落雨都重要搵客 . 真係辛苦 !

之後 我地入左便利店 .....  

因為@ 秋葉原 JR 一出 @便利店門口係吸煙區 . 而買杯麵只係唔覺意見到參與下 . 

最後 我地參與左 3 個 . 1st 個就係上面嗰個新口味 . 而 2nd & 3rd 就係 咖哩杯 & 蕃茄杯

之後 . 我地係咁意係到行圈 .

哈哈 ~ 又見到秋葉原既手信禮盒

咦 ~ 咁既夾公仔網 .... 好似有 D 搵笨 .....

唉 ~ D 雨重係咁密 搞到個人都冇心機行街街 .

我部相機呀 ! 

行到依到 . 我地都係決定返落上野行呀美橫丁算啦 ~

返到上野站 . 細佬又參與左 雞形燒 .

一出閘沿小路落 . 見到上野站前 100円 店 ~ 

So Good !

其實依家只係 19:xx . 但可能係落雨關係 . 好多鋪頭都提早閂門 !

好彩 . 依到間藥房冇咁早閂門 ~

行埋藥房 . 我就帶 媽咪 & 細佬返黎依到 . 食返我上次黎食過 八爪魚圓 ~ 

之後 . 就行過黎行 吉池 . 不過細佬話想試多間 八爪魚圓 .

經過 細佬 既 左試右試之後 . 佢都話 橋底 ( 我介紹嗰檔最好味 ! )  
於是佢就返轉頭 買多 8 粒返酒店食 ~

而我 . 咁岩行過 呀美橫丁 入面 @ 橋底嗰間 魚河岸 .

哈哈 ~ 今晚既 Dinner 又有著落啦 ~

買埋野食後 . 打道回酒店 ....唉 ~ 沿路行 D 雨都冇停過 !

********

是日晚餐 ( 宵夜 ) -

我既 - 魚河岸's 刺身飯 ~

Zoom ~

真係十分佩服日本人既細心 . 點會估到一個只係幾百 yen 既刺身入面 . 

竟然包埋凍包 . 真係行遠小小都冇問題 !

除左凍包 重有配料 . 都跟得好足 !

********

是日戰利品

食飽飽 又到 執行李時候 ! 由於聽日就 返香港 ~ 再加上聽日一早又要過築地 ! 

所以 . 今晚真係要好努力 執晒佢 !但其實我今次都唔係買左好多野 .... 點解都要分喼架呢 ? 

23rd May 2011 - 東京之旅 Day 5 Part 2 - 淺草 雷門

淺草站內壁畫

睇返指示上路面

我地到左雷門

今日天陰陰 . 而且人唔太多 . 所以都行得幾舒服 ~

可能亦係依個原因 . 連 D 人形燒都提早減價 !媽咪見到佢減價 . 梗係即刻幫襯 ~

又黎到 舟和 . 好明顯要再幫襯佢既 芋ようかん [ 譯名 : 番薯糕 ]

由於佢地有成班朋友等梗佢地派手信 . 所以佢地 又要買買買 ~

 

黎到伝法院通

除左岩岩嗰 兩檔一定要幫襯之外 . 重有依間 

我地參與左 3 個 . 美味 しい ~

食左咁多野 . 當然要參與野飲 ~

哈哈 ~ 呀狗都黎雷門散步 . 聽佢地主人講 . 原來佢地係一對黎架 ( 一仔一女 ) ! 

又到求簽既時候 .....Oh ~ 凶呀 ....... 要搵地方綁起佢 ~

@日本既寺入面 . 求到 D 唔好's 簽 唔可以帶走架 !
要即刻係間寺入面 綁起佢 . 等依到個神 幫你 化解左佢 ~

又黎到 小舟町 ~

走既時間 . 我地經二天門過返地鐵站 -

The Next Station is 秋葉原  

********

分享資料 : 

相信有好多朋友都知道 . JR 出左 D 記念印 . For 遊客黎玩嗰陣 "吸" 黎留念 . 

而香港好多自由行既書都話 D 印仔 放係出入閘 .

 

但其實依家已經有好多印仔 都擺晒入黎 依類 客戶服務中心 入面 ! 

好似上野駅 依個 客戶服務中心入面 已經有 3 個印仔 比你 "吸" ~

23rd May 2011 - 東京之旅 Day 5 Part 1 - 上野 Chisun 酒店 + 上野郵局 + 呀美橫町

今日行程 :

早餐 - 上野郵局 + 呀美橫丁 - 雷門 - 秋葉原 - Dinner + 呀美橫町 - 酒店 

********

又到 影下 酒店房出面's 情況 ~ 原來上野都有零靜's 一面 

由於 ANA's Package 唔包早餐 . 所以 今朝早餐食自己 .
我 同 細佬都係 日清杯麵 個杯麵都幾足料 ! 食杯麵 . 又點小得汽水

房入面所謂's 枱 .... 已變成 ~

由於 尋日真係好大雨 . 搞到細佬由入面濕到出面 . 當然 . 銀包's 錢錢都冇一幸免 全部濕晒 ! 
所以 . 今朝早餐後 細佬要用風筒吹返乾 D 銀紙 . 哈哈 ~

等佢 D 銀紙吹乾後 . 重要幫衣櫃還完 . 我地可以出門口 ~ 如果唔係 一陣嬸嬸執房 咪弊 ........ 

你地可能會問 .... 未裝返度門之前係點 ? 咪就係下圖咁囉 ! 你話係未迫於冇耐呀 ~ 唉 ......

搞掂晒 ! 可以向上野進發 ~

襯日頭 . 補返幾張 酒店附近環境相 - 酒店大門

由酒店行過上野 . 大約 10mins 左右 ~ @酒店轉出大街 . 見到依個大鳥居

行前小小 . 會見到依條街有好幾間 ...... 日式既 殯儀館 . 另外 . 重有 D 賣 日式 神主櫃's  店舖 . 

所以 ~ 如果大家係比較信邪 's 朋友 . 小妹都唔建議大家搬黎依區酒店 . 

但話時話 . 依到's 殯儀館 . 又冇香港嗰 D 陰暗感 .反而令我覺得有種好 安靜 ( 舒服) 's 感覺 . 

而且又好好彩 我地 ( 媽咪 + 細佬 ) 都唔係 迷信嗰班 ~ 

如果唔係 ..... 要佢地 出出入入都經過 依類型鋪頭 . 到時我就佢地煩死 !

當然 . 唔係成條街都以 做/ 出售 殯儀用品 . 重有其他野 ~

行到上野警察局後 轉個彎 . 見到 上野 0101 

而對面 就係 JR 上野站 ~ 

而橋's 另一邊 . 我地黎到 上野 0101 & 呀美橫町's 入口 .
其實 稻荷町 依間 Chisun Hotel Ueno 論位置 . 非常方便 !
只要你唔介意 @我頭先所講's 街境出入 + 房間唔夠大 . 佢都算幾 Ok ~ 

黎到 旅程 5th 日 . 先有時間黎郵局寄信 .
而上野郵局 係 @ 上野 0101 隔離 依條小橫行內 !
See ~ 橙色指示牌 

由 東京 寄 空郵 回港 只需 70yen/ @

嗰 2 隻字 . 話咁快就寫好啦 ~ 

唉 ~ 次次都係我最快 !! 

等待中 . 無聊影

都係睇返細佬 ...... 唉 ~ 要佢寫幾個字比個女 & 老婆 ...... 整咩搞到好似寫論文咁架? 真係辛苦晒佢 ~

@ 等待細佬時 . 媽咪除左參與 Post Card 外. 重參與左小存章 .
而細佬除左 Post Card 外. 另外亦參與 2 款小存章 .   

@上野郵局 .... 竟然可以玩左 差唔多 30mins !! 真係佢 2 個先做得到 ~ 

終於搞掂 ! 可以向呀美橫町進發 ~ 

日頭's 呀美橫町

冇啦啦比細佬見到依部 100円 咖啡機 . 好明確佢又要幫襯下 ~

是日 Lunch
魚河岸

睇下今餐食乜先 -

我既 ~ 

依碗係媽咪既 ~ 而細佬嗰碗太遠啦 ~ 影唔到呀 !! 

食飽飽後 . 向回 0101 方向行 , 因為要坐 Tokyo Metro 銀座線 過 淺草
@ 0101 B1/F . 襯媽咪去 Toilet 時 . 我係到除便行圈 .
原來依到除左有 Chacott 外 . 重有 NYX . 

如果 大家臨走前 ( 回成田機場前 ) . 發現買漏野 . 可以黎 0101's B1 睇睇 . 

不過 依到只係得個別貨品 . 所以 唔好抱太大期望 !

Chacott

NYX